Weej zien op audiëntie beej Tsen Koa Pai. Nou ja, beej ’t baeld van de Venlonaer met Chinese wortels dae bekind stónd as Pienda Willum. De sculptuur oet Iers hardstein is van baeldhouwer Hans Reijnders. Tsen Koa Pai was einen ambulanten handelaer. Hae verkoch Pienda’s en sloek. D’r waas gen vastelaovesactiviteit waobeej hae neet aanwezig waas met zien handelsgrei. D’r wuurt gesmoes det hae ouk kepotjes in zien assortiment had. Op kersdaag 1956 is Pienda Wullum desalneettemin geduip in de Sint Martinuskerk.















