Dominicanenplein

Dominicanenplein 25, 5911 KN Venlo

  • Jocusmuseum


Jocus is de aldste nog bestaonde vastelaovesvereiniging van Nederland. Zeej is opgerich in 1842 en heropgerich in 1876 en 1936. ’t Symbool van ’t vastelaovesgezelschap is de Jocushaan. In ’t Jocusmuseum zuus se wie ’t volksfees nummer ein van Venlo zich haet óntwikkeld in de loup van de jaore. ’t Museum is einen absolute must veur idderein dae Venlo en de vastelaovend in ’t hert meidruueg.  

‘Nao ’t Zuuje’ van Rob Hodselmans oet 2017 is zónder twiefel de beste documentaire oeëts gemak euver de geis van de Venlose vastelaovend. Heej op’t Dominicaneplein is oetgebreid gefilmp. We zeen beelde van eine groeëte groep begeisterde carnavaliste, heej samegekómme veur de geheimzinnige ‘Nachtelikken Hosloup’ van Stamtaogel De Naate Raaf.  

Interessante verhaole oet ein stad mós se noeëts kepotrecherchere as historisch ónderzeuker. De legende van de Naate Raaf al gaar neet. D’n oorspróng is oetgedrök in ein drankleed en geit euver einen doeëje raaf, dae euvergaote wuurt met beer en alzoeë weer tot ’t laeve gewek: 

‘De raaf, de raaf, de raaf 
Dae zit weer op de staaf 
Houw aope noow det vaat 
En maak zien vaere naat 

De raaf, de raaf, de raaf 
Dae zit weer op de staaf 
Geit vlege elf daag 
Wies det-se neet mier maag’. 

Volges de euverlaevering zoel de legendarischen Tijl Uilenspiegel in 1331 Venlo hebbe bezóch. Hae droog ein kleid van glanzende, paekezwarte ravevaere. Hae had eine stek wao op einen doeëje raaf waas vasgebónde. Op de Alde Mert goof hae ‘m weer ’t laeve door d’r beer euverhaer te goeje. Nogmaols: zoel…..

’t Jaortal 1331 is interessant in de numerologie, d’n esoterische lier die stelt det nummers ein depere, spirituele beteikenis en energie met zich meidrage. De raekenwónders ónder ós doon ’t oet eure kop: 11x11 = 121x11 = ? Juus, 1331- ein jubeljaor veur carnavaliste. In 1859 óntsteit d’r aan ein nog neet gelokaliseerde stamtaofel ’t plan um ein vastelaovesgezelschap op te richte. ’t Plan wuurt zes jaor later werkelikheid. Wies op d’n daag van vandaag hanteert Stamtaogel De Naate Raaf 1865 as geboortejaor. Ein interessante krónkelredenering.


Je raakt niet uitgekeken in Venlo

Erfgoud

Keulsepoort Beeld Jocus Haan

Joeksroute

Placeholder for Beeld Jocus Haan van Rik van RijkwickBeeld Jocus Haan van Rik van Rijkwick
Erfgoud

Grote Kerkstraat ’t Kerkepäörtje

Joeksroute

Placeholder for Kerkepäörtje oase van rust in de binnenstad vroeger (foto: archief Sef Derkx)Kerkepäörtje oase van rust in de binnenstad vroeger (foto: archief Sef Derkx)
Erfgoud

Stadsmuur Lanckwaemes

Achter Mariaweide

Placeholder for Stadsmuur Maaskade 1Stadsmuur Maaskade 1
Erfgoud

Ursulastraatje

Joeksroute

Placeholder for Bordje Bert Stoop (foto: archief Sef Derkx)Bordje Bert Stoop (foto: archief Sef Derkx)
Erfgoud

Hoek Kwartelenmarkt Jodenstraat

Joeksroute

Placeholder for Pienda Wullum (foto: Zebra Fotostudio's)Pienda Wullum (foto: Zebra Fotostudio's)
Erfgoud

Museum van Bommel van Dam

Venlose Joeksroute

Placeholder for Post- en Telegraafkantoor (foto: archief Sef Derkx)Post- en Telegraafkantoor (foto: archief Sef Derkx)

Beluister het liedje